網誌文章封存

係香港寫App係前途無限還是死路一條?

上星期五筆者去了Apps@智能手機亞洲探討論壇2011,因工作的關係只參與了上午的環節。上午的講者有很多算是在業界中比較出名,例如Cheerypicks的CEO Jason、Green Tomato的COO Benny Leung、Nuthon的Director Leo To,還有Gravitas的Director 和 MTel的President。

唔係無得做,而係無得食!

筆者聽完上午環節的第一個感受就係: 想出黎接Jobs寫App已經唔Work! 當你聽到 Gravitas 的Director 講他們是專負責幫客戶做Mobile Marketing;MTel的President說到他們是上市公司、有超過150個員工、係Microsoft Window Phone 既 Global Publishers Partner in China,連今年娜姐同Dada 書展出既iPhone App 都係佢地出品。如果你係公司負責Marketing 的同事,相信你都會識得揀。

近一年來報紙雜誌經常都報導寫App發達的故事(這裹這裹這裹這裹) ,令到坊間教寫App的速成班如雨後春筍。有報導更指市場對開發手機軟件的人才求才若渴,實際的情況是更多的人自己出來當老闆寫App。聽說很多中小型開發手機軟件的公司流失率都很高,因為他們接回來的工作價錢已經不太高,他們如果加薪去留員工,他們跟本連錢也沒得賺。而員工見到這麼多寫App發達的報導,都會覺得自己開公司會搵得更多更好。個個都出黎接Jobs寫App直接間接令Freelance job的價錢去到"爛市“的程度。

情況已經去到好像當年人人都寫網頁寫Flash的瘋狂程度。現在寫Mobile App 大的project 又不會夠大公司搶,細的project又被搶"爛市“。而且寫App的門檻越來越低,開發越來越容易,聽說今年暑假有為中小學生開設的寫App暑期班。問你死未!

其實仲有冇機?

話無就呃你,今日都仲有公司寫網頁寫Flash。當寫App熱潮過去就自然會汰弱留強。除非你只係想靠這個熱潮搵一筆又或者已經有大水喉射住,否則如果你肯搏肯捱,我相信始終都會有成功的機會。但好似Leo To係佢網誌咁講:有人寫apps會發達,但寫apps並不一定會發達。

另外,在論壇中其實只有Cheerypicks同Green Tomato有自家的Products。Cheerypicks的iButterfly算是其自家研發AR 的成果(所以他們為MTR制作的App也有使用AR);Green Tomato的 Talkbox 也是其自家的研發成果。我認為如果有idea,自己開發有自家特色的Apps 或是 Services絕對是有得做!起碼我見Gravitas 或 MTel未有向這個方向發展。除此之外,當然仲有好多好多既可能性!你又點睇呢?

相關連結

80後老闆靠創意 憑衝廁 App響名堂

香港也有創意,香港加油

依家d機會真係多到離晒譜?

如何去把握機會?

廣告